عن نروي
نروي تسوّي برامج كويتية: وثائقيات وسفر وقصص وفنون. كل البرامج على نروي مجانية، بدون تسجيل وبدون إعلانات. نروي جزء من Maqam Holdings.
الخصوصية
- ما في حساب ولا كوكيز ولا إعلانات، وما نستخدم أدوات تتبّع من شركات ثانية. الخطوط والصور والفيديو كلها من سيرفراتنا.
- اللي يحفظه متصفحك: وين وصلت في كل حلقة، وقائمتي، واختيارك للبرومو، وتاريخ أول زيارة وأول تشغيل. هذي تبقى على جهازك وما توصلنا. تقدر تمسحها من إعدادات المتصفح.
- اللي نحسبه: لما يبدأ فيديو، أو يوصل 25 أو 50 أو 75%، أو يخلص، أو يصير فيه خطأ، أو يعلّق وهو يحمّل. ونحسب أول تشغيل على المتصفح، والرجعة بعد 7 أيام أو أكثر من أول زيارة. هذي الأرقام بدون IP وبدون معلومات المتصفح وبدون أي رقم يعرّفك. نخلي التفاصيل 8 أسابيع، وبعدها نخلي بس مجموع كل أسبوع.
- سجلات السيرفر: مثل أي موقع، السيرفر يسجّل كل طلب مع عنوان الـ IP ونوع المتصفح، عشان نحمي الموقع ونصلّح الأخطاء. هذي السجلات تنمسح بروحها خلال 6 أسابيع، وما نعطيها أحد ولا نستخدمها للإعلانات. أدوات الحماية في السيرفر ممكن تخلي عنوان IP للهجمات اللي توقفها مدة أطول.
- الشورتس تفتح في إنستغرام، وهناك تنطبق سياسة خصوصية إنستغرام.
تواصل ويانا
لأي سؤال أو طلب عن بياناتك راسلنا على: contact@prismic.media